व्हॉट्सअ‍ॅपने काही महिन्यांपूर्वी वेगळ्या वेगाने व्हॉईस मेसेज प्ले करण्याचे फीचर लाँच केले. व्हॉट्सअ‍ॅपच्या अँड्रॉइड आणि आयओएस-आधारित दोन्ही अ‍ॅप्सवर हे फिचर आणण्यात आले आहे. आता व्हॉट्सअ‍ॅप आपले व्हॉइस मेसेजिंग सुधारण्यावरती आणखी काम करत आहे. रिपोर्ट्सनुसार, व्हॉट्सअ‍ॅपने ग्लोबल व्हॉइस मेसेज प्लेयर या नवीन फीचरवर काम सुरू केले आहे.
WABetaInfo च्या अहवालानुसार व्हॉट्सअ‍ॅपचे आगामी ग्लोबल व्हॉईस मेसेज प्लेअर फीचर वापरकर्त्यांना चॅट विंडोमधून बाहेर पडल्यावरही त्या विशिष्ट संपर्कांचे व्हॉईस मेसेज ऐकण्याची परवानगी देईल. ब्लॉग साईटने सांगितले की या फीचरला असे नाव देण्यात आले आहे कारण ते अ‍ॅप्लिकेशनच्या शीर्षस्थानी पिन केलेले आहे आणि जेव्हा व्हॉट्सअ‍ॅप वापरकर्ते अ‍ॅपमधील काहीही ओपन करतील तेव्हा ते त्यांना नेहमी समोर दिसेल.
ब्लॉग साइटने असेही म्हटले आहे की या व्हॉईस मेसेजेसना कधीही संपवणे आणि डिसमिस करणे देखील शक्य आहे.
व्हॉट्सअ‍ॅपचे आगामी ग्लोबल व्हॉइस मेसेज प्लेअर वैशिष्ट्य अ‍ॅपमध्ये व्हिडीओ प्ले करण्यासाठी पिक्चर-इन-पिक्चर फीचरसारखे असेल. फरक एवढाच आहे की, ग्लोबल व्हॉइस मेसेज प्लेयर फीचर व्हॉट्सअ‍ॅपच्या इंटरफेसवर पिन केले जाऊ शकते. हे फीचर अद्यापतरी iOS साठी तयार केले गेलेल नाही. पण लवकरच ते अँड्रॉइड यूजर्ससाठी व्हॉट्सअ‍ॅप बीटावर येणार आहे.
ग्लोबल व्हॉइस मेसेज प्लेयर व्यतिरिक्त, व्हॉट्सअ‍ॅप गायब मेसेज फीचर अधिक स्मार्ट बनवण्याच्या उद्देशाने दोन नवीन फीचर्सवर देखील काम करत आहेत. सर्वप्रथम, व्हॉट्सअ‍ॅप आपले हरवलेले संदेश व्यवस्थापित करण्यासाठी अधिक कालावधी जोडण्याची योजना आखत आहे. हे वैशिष्ट्य वापरकर्त्यास 24 तास, 90 दिवस आणि 7 दिवसांसह विविध कालावधी निवडण्यास सक्षम करेल.