बॉलिवूड अभिनेत्री रिया चक्रवर्ती सध्या सोशल मीडियावर खूप अ‍ॅक्टिव्ह आहे. या साथीच्या काळात सर्वांना मदत करण्यासाठी ती सर्वतोपरी प्रयत्न करत आहे. काही काळापूर्वी रियाने एक पोस्ट शेअर केली होती आणि लोकांकडे मदतीचा हात पुढे केला. ती कोरोनाच्या या दुसर्‍या लाटेत लोकांना मदत करण्यासाठी पुढे आली आहे. आता या कठीण काळात लोक एकमेकांना मदत करताना पाहून रियाचे मन भरून आले आहे. सोशल मीडियावर पोस्ट शेअर करत तिने आनंद व्यक्त केला.
रियाने तिच्या इन्स्टाग्राम स्टोरीमध्ये तिच्या कठीण काळात एकमेकांच्या बाजूने उभ्या असलेल्या लोकांचे कौतुक केले आहे. तिने लिहिले की, ‘या कठीण काळात लोक एकमेकांना मदत करत आहेत हे पाहून मला आनंद होतो. हे इतिहासात लिहिले जाईल. यावेळी एकमेकांना मदत करा, त्यांना चांगले वाटेल आणि एकमेकांचा तिरस्कार करु नका. एकमेकांचा द्वेष करु नका आणि एकत्र ही लढाई जिंकूया. जणू या जगात पुन्हा एकदा माणुसकीची सुरुवात होत आहे. विश्वास ठेवा.’
नुकताच ‘मदर डे’च्या निमित्ताने रिया चक्रवर्ती हिने आपल्या आईबरोबर स्वतःच्या बालपणीचा एक क्युट फोटो शेअर केला होता. तसेच त्यांनी सांगितले की, तिने दिलेल्या शिकवणीची अंमलबजावणी करण्यासाठी सर्वतोपरी प्रयत्न करत आहे. रियाने फोटो शेअर करताना लिहिले, ‘माझी सुंदर आई, मी लहान असताना तू मला सांगितले होते मला आठवते की, आनंद तुझ्यात आहे, तो बाहेर शोधू नकोस. नेहमी आपल्या हृदयात प्रेम शोध आणि तू नेहमी आनंदी राहा. आई, मी हे नेहमी लक्षात ठेवेन आणि मी वचन देते की सर्वतोपरी प्रयत्न करत राहीन.
रियाने तिच्या इंस्टाग्राम स्टोरीवर काही काळापूर्वी पोस्ट शेअर केली होती आणि लोकांसाठी मदतीचा हात पुढे केला होता. तिने लिहिले, ‘या कठीण काळात एकत्र राहणे महत्वाचे आहे. आपण जशी जमेल तशी सर्व मदत करा. मग ते छोटी असो किंवा मोठी. मी कोणत्याही प्रकारे तुम्हाला मदत करू शकत असल्यास मला थेट मेसेज करा. मी सर्वतोपरी प्रयत्न करेन. काळजी घ्या.’