एनसीबी च्या एसआयटी पथकाने रविवारी आर्यन खानला समन्स बजावले आहेत. मात्र आर्यन खान याला ताप आल्यामुळे तो SIT समोर हजर होऊ शकला नाही. एनसीबीनं ही माहिती दिली. आर्यन खान व्यतिरिक्त एनसीबी अरबाज मर्चंट आणि नवाब मलिक यांचे जावई समीर खान, NCB ची एसआयटी यांनाही समन्स पाठवण्याची शक्यता आहे. ड्रग्ज प्रकरणी एसआयटी यांना पुन्हा एकदा चौकशीसाठी बोलवण्याची शक्यता आहे.
एनसीबीच्या SIT नं अलीकडेच झोनल डायरेक्टर समीर वानखेडे यांच्याकडून क्रूझ ड्रग्ज प्रकरणासह एकूण सहा प्रकरणे ताब्यात घेतली होती. एसआयटीने आता या प्रकरणांचा तपास सुरू केला आहे.
बॉलीवूड सुपरस्टार शाहरुख खानचा मुलगा अरबाज मर्चंट क्रूझ ड्रग्ज पार्टी प्रकरणात आरोपी आहे. दोघांनाही 3 ऑक्टोबर रोजी मुंबई क्रूझवर छापा टाकून अटक करण्यात आली होती. समीर वानखेडे या क्रूझ ड्रग्ज प्रकरणाचा आणि समीर खानविरुद्धच्या ड्रग्ज प्रकरणाचा तपास करत होते. मात्र क्रूझ प्रकरणात, तपासात सहभागी असलेल्यांनी खंडणीचा आरोप एका साक्षीदाराने केल्यानंतर वानखेडेला या प्रकरणातून वेगळं करण्यात आलं आहे. आता एनसीबीचे विभागीय पथकही त्याच्या आरोपांची चौकशी करण्यात गुंतले आहे.
समीर वानखेडे यांच्याकडे चौकशी करत असलेल्या अशा सहा प्रकरणांची शुक्रवारी एजन्सीच्या केंद्रीय पथकाकडे वर्ग करण्यात आली. सूत्रांनी CNN-News18 ला दिलेल्या माहितीनुसार, या सहा प्रकरणांतील कथित आरोपींना NCBच्या एसआयटी पथकानं चौकशीला बोलवणं ही एक नवीन तपास पथक आल्यानंतरची एक नियमित प्रक्रिया आहे. क्रूझ ड्रग्ज प्रकरणात आतापर्यंत समोर आलेले पुरावे आणि तथ्येही एसआयटी पडताळणार असल्याचे सूत्रांनी म्हटलं आहे.