इंधनाचे दर भारतात उच्चांकी पातळी गाठत असताना देशाचे नवीन पेट्रोलियम मंत्री हरदीपसिंग पुरी यांनी पेट्रोलच्या किमती कमी करण्यासाठी प्रयत्न सुरू केलेत. या उद्देशाने त्यांनी तेल उत्पादक राष्ट्रांशी संपर्क साधण्यास सुरुवात केलीय.
हरदीपसिंग पुरी यांनी गेल्या आठवड्यात कतारच्या ऊर्जामंत्र्यांना फोन केला आणि त्यांनी आपल्या संयुक्त अरब अमिरातीचे (UAE) समकक्ष सुलतान अहमद अल जाबेर यांच्याशी चर्चा केली. पुरी यांनी ट्विटरवर लिहिले की, “ऊर्जा क्षेत्रातील अन्य ऊर्जा पुरवठा करणाऱ्यांना स्थिरता, निश्चितता आणि व्यावहारिकता या भावनेसाठी यूएई आणि इतर मैत्रीपूर्ण देशांसमवेत जवळून काम करण्याची आमची इच्छा आहे,” असंही पुरी यांनी ट्विटरवर लिहिले.
आंतरराष्ट्रीय तेलाच्या किमतींमध्ये वाढ तसेच मागणीत वाढ झाल्यामुळे भारतातील पेट्रोल आणि इंधनाच्या दरानं विक्रमी उच्चांक गाठले आहेत. मे महिन्यात तेलाच्या आंतरराष्ट्रीय किमती खाली आल्यात. देशातील दीड डझनांहून अधिक राज्ये आणि केंद्रशासित प्रदेशांमध्ये पेट्रोलने प्रतिलिटर 100 रुपये ओलांडले आहेत, तर राजस्थान आणि ओडिशामध्ये डिझेल प्रति लिटर 100 रुपयांपेक्षा जास्त दराने विकले जात आहेत.
सुलतान अहमद अल जाबेर यांच्याशी फोनवर चर्चा
पुरी म्हणाले, “यूएईचे उद्योग व प्रगत तंत्रज्ञान मंत्री आणि अ‍ॅड्नोक ग्रुपचे व्यवस्थापकीय संचालक डॉ. सुलतान अहमद अल जाबेर यांच्याशी फोनवर चर्चा झाली. आम्ही भारत आणि यूएईच्या डायनॅमिक द्विपक्षीय सामरिक ऊर्जा भागीदारीत नवीन ऊर्जा वापरण्याच्या मार्गांवर चर्चा केली.
आपल्या ऊर्जेच्या आवश्यकतेपैकी 85 टक्के आयात करणारा भारत बराच काळ तेल उत्पादक देशांच्या गटाला त्यांचे उत्पादन कपात संपुष्टात आणण्यासाठी आणि तेलाच्या किमती वाजवी पातळीवर आणण्यासाठी मदत करत आहे.