शेवटचे सूर्यग्रहण या राशीच्या लोकांच्या वाढवणार अडचणी; वेळीच रहा सावध

ज्योतिष शास्त्रानुसार 2022 सालातील शेवटचे सूर्यग्रहण 25 ऑक्टोबरला मंगळवारी होणार आहे. याच्या एक दिवस आधी म्हणजे 24 ऑक्टोबरला दिवाळीचा सण साजरा होणार आहे. ग्रहणाच्या दुसऱ्या दिवशी गोवर्धन पूजा केली जाईल. कित्येक वर्षांनंतर असा दुर्मिळ योगायोग घडत आहे, ज्यात सूर्यग्रहणाच्या दिवशी दीपावली आणि दुसऱ्या दिवशी गोवर्धन पूजा असेल. हे सूर्यग्रहण भारतात दिसणार नाही आणि सणांवर त्याचा कोणताही परिणाम होणार नाही. परंतु, ग्रहणाचे शुभ आणि अशुभ प्रभाव अनेक राशींवर दिसतील. ग्रहण घडणे ही ज्योतिषशास्त्रीय आणि खगोलशास्त्रीय दृष्टिकोनातून अत्यंत महत्त्वाची घटना मानली जाते.

ज्योतिष शास्त्रानुसार या वर्षातील शेवटचे सूर्यग्रहण काही राशींसाठी अडचणी निर्माण करू शकते, त्यामुळे या राशीच्या लोकांनी ग्रहण काळात खूप सावधगिरी बाळगणे आवश्यक आहे. दिल्लीचे आचार्य गुरमीत सिंहजी यांच्याकडून जाणून घेऊया वर्षातील शेवटचे सूर्यग्रहण कोणत्या राशीच्या लोकांच्या अडचणी वाढवू शकते.

सूर्यग्रहणात या चार राशीच्या लोकांच्या समस्या वाढू शकतात –

वृषभ – वर्षातील शेवटचे आणि दुसरे सूर्यग्रहण वृषभ राशीच्या लोकांच्या अडचणी वाढवू शकते. ग्रहण काळात या राशीच्या लोकांनी आरोग्याकडे विशेष लक्ष देणे आवश्यक आहे, त्यामुळे आहाराची काळजी घ्या. याशिवाय धनहानी होण्याचीही शक्यता आहे. ग्रहण काळात कोणत्याही प्रकारचे व्यवहार आणि गुंतवणूक करणे टाळा.

मिथुन – वर्षातील शेवटचे सूर्यग्रहण मिथुन राशीच्या लोकांसाठी शुभ नसेल. अनावश्यक खर्चामुळे तुम्हाला आर्थिक संकटाला सामोरे जावे लागू शकते. तुमच्या जोडीदारासोबत वेळ अनुकूल नसेल, ज्यामुळे मतभेद होऊ शकतात.

तूळ – तूळ राशीच्या लोकांवर शनीची साडेसाती सुरू आहे. अशा स्थितीत सूर्यग्रहणामुळे या राशीच्या लोकांच्या समस्या वाढू शकतात. या काळात मन अस्वस्थ आणि भयभीत राहील.

कन्या – कन्या राशीच्या लोकांसाठी सूर्यग्रहण शुभ सिद्ध होणार नाही. तुमच्या उत्पन्नात घट होऊ शकते, त्यामुळे तुम्हाला आर्थिक अडचणीचा सामना करावा लागू शकतो, त्यामुळे या काळात कोणतेही नवीन काम सुरू करणे टाळा.

सूर्यग्रहण वेळ आणि सुतक काळ –

भारतीय वेळेनुसार, मंगळवार 25 ऑक्टोबर रोजी दुपारी 04:23 पासून सूर्यग्रहण सुरू होईल आणि 06:25 पर्यंत राहील. ग्रहणाची मध्य वेळ 05:28 वाजता असेल आणि मोक्ष 06:25 वाजता असेल. सूर्यग्रहणात सुतक कालावधी 12 तास आधी सुरू होतो, परंतु हे ग्रहण भारतात दिसणार नाही, त्यामुळे त्याचे सुतकही येथे वैध ठरणार नाही.